Avslappande dag... på ein måte...

Var deilig å kunne sove meg litt frampå i dag. Og det vart ikkje berre litt heller for å seie det slik. I halv to- to tida var eg oppe av senga. Men, det er vel lov det, når ein har fri, er det ikkje?  :-)

Vart oppringt av Give Kids the World i dag, som trengte folk, så eg sa sjølvsagt ja til det. For dei som ikkje har høyrt om dette, så er det "hobby" jobben min, sånn på si :-)

Det er ein veldedig organisasjon, for born med livstruande sjukdomar, som hjelp dei og familiane deira å kome til Florida, og få oppleve det meste av det som skjer her. Dei får då bu i ein eigen liten "landsby", som då er der vi "jobbar". Det eg gjer der, er å jobbe med Entertainment avdelinga, med ulike karakterar, mellom anna "Borgarmeisteren" i byen, og fruen hans. Hadde eg kunne hatt ein slik jobb på fulltid, så hadde eg meir enn gjerne tatt den. Det er noko av det mest givande eg har gjort i mitt liv. Og makan til glade og takknemlige ungar skal ein leite lenge etter.

Så får du sjansen ein gong, så ta turen innom der. Heilt fantastiske menneske!

Seinare på kvelden fann eg ut at eg hadde lyst på is, så vi tok turen til Wal Mart, og kjøpte litt kvalitets is, Haagen Daas. Fantastisk! Vi tok også med ein film i same slengen, på 1 dollar Rent A Movie maskina:-)  "The Bucket List" vart dagens val. Ein utruleg fin film med Morgan Freeman og Jack Nicholson, som møtes på sjukehuset, begge som kreftpasientar. Anbefalast på det sterkaste!

Elles har eg prøvd å legge ut bilete av min fantastiske leigebil, og leiligheita, men bloggen vil ikkje ta imot, så får ta det ein dag eg har god tid... :p

No ropar senga på meg. Er litt over fem timar til eg atter ein gong må stå opp. No er det slutt på "helga" mi, i morgon startar ei ny veke, med nye moglegheiter!

Dagens gode gjerning: Smilte til kassadama på Wal Mart. (Som sjølvsagt ikkje smilte tilbake)...

(måtte berre kopiere dagens gode gjerning tingen din Anita. E egentli ganske fin ide :p )