Eat to the beat!

So var måndagen over. Har vore ein grei dag i grunn. Sov meg litt frampå igjen, og sto opp i rikelig tid før jobb. Fekk til og med folk frå Front Desk til å kome over og klippe låsen på safen min. Som var låst frå før då eg flytta inn, så har ikkje fått brukt den til no. Men no kom eg endelig på å ringe etter hjelp, og dei hadde jammen tid også, så ikkje verst på ein måndag :-)

På jobb var eg berre ein time i restauranten i dag. Etter det for nokre av oss over til "American Adventure", der det for tida er "Eat to the Beat" konsertar kvar dag, i samband med Epcot International Food & Wine Festival. Og dagens O store artist var Sheena Easton. Eller noko i den dur. Stor var ho i alle fall. På 80-talet. Må ærleg innrømme at eg aldri har haurt namnet før. Men kunne ein av sangane hennar då... "My baby takes the morning train, he works from 9 to 5 and then, he takes another home again....... osv..... " God stemning...

Måndag er egentlig kvelden for "Flickabo", der alle vi norske jentene samlast, iført rosa t-skjorte, nesten litt som russetida på ny. Men det gidd eg ikkje i kveld, sidan eg skal tidleg opp i morgon. Eg skal faktisk vere litt fornuftig, og lese så smått på menyen frå restauranten vår før eg legg meg om litt :-)

(For å verte servitørar no for tida, så må vi "spiele" menyen for ein manager. Nesten litt som muntleg eksamen... hehe. Med andre ord, vi skal late som han er ein gjest, så skal vi introdusere han for menyen og restauranten. Alltid koslig med litt rollespel.. Or not....)

Good night, sleep tight, don´t let the bed bugs bite! :-)