Tvilsomt...

Eg skal innrømme at eg ikkje alltid fyl med på rekningar eg får i posten. Stort sett betalar eg, og kastar, og har eit mindre problem å hanskast med. Men av og til byrjar eg å lure. Og det er når eg får slike koselige betalingsvarslar, utan heilt å vite kvifor...


Denne gongen var det mitt kjære mobilselskap som var avsendar. Værsågod! Eit betalingsvarsel. Men opphavleg faktura? Nei, den har vi ikkje sett.
Så eg ringde difor selskapet. Noko eg forøvrig stort sett aldri gjer, sidan dei veit å ta seg betalt godt for det og. Eg fann riktignok ut at køa var uanstendig lang, så eg la på, og sende dei ei melding på Twitter. Takk og lov for slike nye fancy tekniske løysingar :P

Etter litt fram og tilbake, får eg spørsmål om dei kan ringe meg, sidan det er lettare å forklare. Sjølvsagt! Kvifor skulle dei ikkje det? Eg svarar ja, og ventar. Og ventar. Til eg ikkje gidd å vente lenger. Men så, 20 timar seinare, ringjer dei. Yay! - Vi kan dessverre ikkje sjå kvifor du har fått denne fakturaen, seier dei. Jaja. Like greitt. Så då kastar eg fakturaen då. Og ventar i spenning på eit innkassovarsel om ei to-tre veker...

Greitt å ha litt tidsfordriv når ein er arbeidslaus i alle fall :-)