Home again...

Framme på destinasjon "liksom heim", Orlando, Florida. 32 timar etter eg starta frå Løvikja. Ikkje at flya var noko forsinka eller noko slikt. Nei det som tok tid, når eg endeleg landa på Orlando International, var å kome seg derifrå. Då eg var i Amsterdam, ringde eg nemlig Holiday autos og bestilte meg ein leigebil frå Orlando. Det eg ikkje tenkte på då, var at eg får tilsendt ein voucher på epost, som då må skrivast ut og leverast på leigebilkontoret. Så først sto eg sjølvsagt ein halv time i kø, for berre å få vite at eg måtte kome tilbake med voucheren, før eg leita rundt halve Orlando International etter ein printer. Var forsåvidt ikkje så vanskelig å finne ein printer i seg sjølv, men ein eg kunne bruke derimot, var verre. Men, fann til slutt eit business center på eit hotell, så det ordna seg. Så då kunne eg gå tilbake til køa ved leigebilkontoret, som no berre var ein 20 minutts tid. Alltid kjekt å stå i kø:-)

Då eg endelig fekk sjekka ut bilen, fekk eg gledeleg melding om at eg berre kunne gå i garasjen, og velje mellom alle bilane som sto på høgre side. Yeah! Valgfriheit! :D Men, kortvarig glede. På heile den store lange høgresida, sto det nemlig heile 1 bil. Fantastisk! Menmen, eg skal nok overleve. Ein kvit sportsbil av eit slag. Trur kanskje det var Pontiac...

No er det vel berre å kome seg til sengs. Med jetlag og sliktno, skal ein opp klokka seks i morgon tidleg, for å fare på jobb. Som eg kanskje egentlig ikkje treng, sidan dei har oppdatert schedulen min, og tatt vekk vakta mi. Av ein eller annan merkelig grunn. Men tør ikkje satse på at det stemmer, så møter opp likevel...

God natt, sov godt!