Home, sweet home!

Tilbake i Noreg. Digg:-)
Og ikkje mindre digg når Vålerenga vart NORGESMEISTERAR i går :D Gratulerer så mykje. Det var ein fantastisk kamp å sjå på. Spesielt når det var Stabæk som måtte sjå seg slått. 4-1 til oss, fantastisk! Var også sjølvsagt på Cupfinalefesten på Youngstorget på laurdag kveld. Og der var det livleg. God stemning!

I natt tok eg nattbussen heim til Sunnmøre. Trudde det skulle verte ein flott tur, sette meg godt tilrette på dei to seta eg klarte å finne ledige, og var klar for ti timar å breie meg ut på. Men før eg visste ordet av det, før Gardermoen ein gong, kom det sjølvsagt gåande ein gamal mann. Han gjekk fram og tilbake i bussen uten å finne ut kvar han hadde lyst å sitte, før han med eitt fann ut at han skulle sitte med meg. "Eg set meg her eg", sa han. Og ikkje nok med det, men på setet låg det ein banan. Som han då sette seg på. Og ei flaske cola, som han reiv ned på golvet i same slengen. Og før eg fekk teke vekk alt styret mitt, så sat han på det også. Glimrande. Det gjorde dagen min så mykje betre. Menmen, kunne ikkje øydelegge den likevel. Vålerenga vart nemlig NORGESMEISTERAR!!! :D

På Folkestad gjekk eg i alle fall av bussen, og vart møtt av ei lettare forvirra Anja, og Anita, som gjekk med på å hente meg viss ho fekk ein amerikansk potetgull. Grei deal det :-)
Men trur ikkje Anja var så glad i ferjekaia på Folkestad. Bråkande ferje, mykje bilar, og ikkje minst sidan eg hadde meg meg TO trillekoffertar. Det er ho visst ikkje noko glad i i det heile tatt.
Men me kom oss heim til slutt. Så no sit me og ser på Anita sin høgskulekor konsert. Stemning.

Snakkast!