Ting tek tid...

Det er no 26 timar sidan eg reiste frå Løvikja, og eg har framleis berre kome meg til Washington. Ting tek altså litt tid her i verda:-) Menmen, det er no forsåvidt greitt å vere ute på reise.
Starta i går kveld med at Anita, Ole Andreas og Anja var så vene og køyrde meg til Folkestad, der nattbussen til Gardermoen venta. Me fekk sjølvsagt ein gamal buss, sidan den som eigentleg skulle køyre, hadde fått motorhavari. Men godt at den fekk det på førehand seier no eg:-) Fekk ikkje god plass til meg sjølv denne gongen heller, men det gjekk i grunnen bra. Stappfull buss, ein haug med polakkar som var ute på tur. Ikkje veit eg kvar dei skulle, og ikkje bryr eg meg så veldig heller. Veit ikkje kva det har med saka å gjere heller for den del:-)

Uansett, kom til Gardermoen ca ein halv time etter skjema i dag tidleg, sånn omlag halv sju. Flyet mitt til Amsterdam gjekk 0745, så hadde forsåvidt god nok tid! Fekk til og med kjøpt med litt norsk sjokolade til amerikanarane borti det store utland.
Så flaug me til Amsterdam, og vidare til Washington, der eg er no. Flyselskapet var United Airlines, heilt greitt. I og med at eg fekk ein Economy Plus plass, så skal eg vel ikkje klage. Fekk til og med sett nokre filmar denne gongen, i motsetning til når eg flaug med Lufthansa, som ikkje har slik service :p
Såg på Wall E og to andre som eg ikkje huskar navnet på. Ikkje så veldig gode i grunn. Den fjerde filmen derimot, "Step Brothers" var litt kul. Men den byrja sjølvsagt ein time før innflyging, så fekk sett berre halve. Sånn kan det gikk.

No ropar og ropar dei på business class folka som skal boarde her. Skulle egentlig berre heve meg med dei, det hadde vore noke:-) Men det er vel snart klart for "seating area 4" også. Eg skal til 21C, så må vente til slutt nesten... hehe.. men eg får logge av og gjere meg klar.

Sayonara! I mangel på andre fancy ord å avslutte med...